ԵՐԵՎԱՆ, 4 օգոստոսի. /ԱՌԿԱ/. Պորտուգալիան 6,58 մլրդ. դոլար կծախսի երկրի խոշորագույն Banco Espirito Santo բանկը փրկելու համար։ Այդ մասին, ինչպես գրում է Газета.ру-ն, հաղորդում է Reuters-ը։
Ըստ աղբյուրի` ԵՄ-ի և Պորտուգալիայի բանակցություններից հետո որոշում է կայացվել բանկը բաժանել երկու ընկերության։
Ընկերություններից մեկում կհավաքեն բոլոր խնդրահարույց ակտիվները, որոնց հաշիվները պետք է վճարեն բաժնետերերը` Էսպիրիտո Սանտո ընտանիքի անդամները։
Հաշիվների մյուս մասը պետությունը ծրագրում է վճարել կայունացնող հիմնադրամից, որը ստեղծվել է 2012 թ.-ին։
Ավելի վաղ պորտուգալական իշխանությունները փորձում էին ցրել մտավախությունները` կապված երկրի խոշորագույն BES (Banco Espirito Santo) բանկի ֆինանսական վիճակի հետ, որի բաժնետոմսերը կտրուկ անկում ապրեցին` բանկի պարտավորությունների հետ եղած խնդիրների ֆոնին։–0–