ԵՐԵՎԱՆ, 15 օգոստոսի. /ԱՌԿԱ/. Ռուսաստանի Դաշնության միջազգային պահուստների ծավալը 2013 թվականի օգոստոսի 2–ից 9–ն ընկած ժամանակահատվածում նվազել է 100 մլն դոլարով, կամ 0.02 տոկոսով, այսօր հայտնել է Ռուսաստանի Բանկի արտաքին և հասարակայնության հետ կապերի դեպարտամենտը, հաղորդում է РБК–ն։
Արդյունքում երկրի ոսկեարժութային պահուստների ընդհանուր ծավալը կազմել է 507.8 մլրդ դոլար` 2013 թվականի օգոստոսի 2–ի 507.9 մլրդ դոլարի դիմաց։
2013 թվականի հունվարի 4–ին ՈԱՊ–ները հասել էին իրենց առավելագույն արժեքին` 537.4 մլրդ դոլար։ Սա ամենաբարձր ցուցանիշն էր 2011 թվականի սեպտեմբերի առաջին տասնօրյակից ի վեր։
Ոսկեարժութային պաշարների պատմական առավելագույն ցուցանիշն արձանագրվել է 2008 թվականի օգոստոսի 8–ին, երբ դրանց ծավալը հասել էր 598.1 մլրդ դոլարի։ Միաժամանակ, պատմական նվազագույն ցուցանիշ կարելի է համարել 1999 թվականի ապրիլի 2–ին գրանցված 10.7 մլրդ դոլարը։
Ոսկեարժութային (միջազգային) պահուստներին են պատկանում պետության արտաքին ակտիվները, որոնք առաջանում են արտարժույթից, դրամային ոսկուց, փոխառությունների հատուկ իրավունքներից (SDR), ԱՄՀ–ի պահուստային դիրքից և այլ բարձր լիկվիդային ֆինանսական ակտիվներից։
ՌԴ ոսկեարժութային պահուստները Ռուսաստանի Բանկի և Ռուսաստանի Դաշնության կառավարության իրավասության տակ են և կարող են օգտագործվել վճարային հաշվեկշռի պակասուրդի ֆինանսավորման, արժութային շուկաների ինտերվենցիաների և պետության շահերից բխող այլ նպատակների համար։ -0