ԵՐԵՎԱՆ, 27 նոյեմբերի. /ԱՌԿԱ/. Հայաստանի եվրապարտատոմսերով երկրորդային շուկայում 2014 թ.–ի սեպտեմբերին իրականացված գործարքների ծավալը կազմել է 3,4 մլն դոլար` օգոստոսին գրանցված 4,78 մլն դոլարի համեմատ, հաղորդվում է ՀՀ ԿԲ-ի 2014 թ.-ի սեպտեմբերի ամենամսյա տեղեկագրում:
Միաժամանակ հայկական եվրապարտատոմսերի միջին եկամտաբերությունը սեպտեմբերին կազմել է 5,29 տոկոս։
ԿԲ տվյալներով՝ 2014 թ.-ի հունվար-սեպտեմբերին երկրորդային շուկայում հայկական եվրապարտատոմսերով իրականացված գործարքների ծավալը կազմել է 44,56 մլն դոլար՝ 5,41 տոկոս միջին եկամտաբերությամբ:
Հայաստանը 2013 թվականի սեպտեմբերի 19–ին առաջին անգամ եվրապարտատոմսերի թողարկում է իրականացրել։ Թողարկման ծավալը կազմել է 700 մլն դոլար, մարման ժամկետը` 7 տարի, եկամտաբերությունը` 6 տոկոս։ Հիմնական տեղաբաշխողներն են` Deutsche Bank AG, London Branch, HSBC Bank plc и J.P.Morgan Securities plc: Հունվարի 31–ին հայկական առաջին եվրապարտատոմսերը գրանցվեցին և NASDAQ OMX Արմենիա ֆոնդային բորսայում առքուվաճառքի թույլտվություն ստացան: –0–