ԵՐԵՎԱՆ, 23 հունվարի. /ԱՌԿԱ/. Բելառուսի ազգային բանկն արգելել է թանկարժեք մետաղներից և ատեստավորված ադամանդներից պատրաստված ձուլակտորների առուվաճառքն արտարժույթով։ Այս մասին, ինչպես հաղորդում է «ՌԻԱ Նովոստին», նշվում է կարգավորիչի հաղորդագրության մեջ։
Մինչև հիմա թույլատրվում էր թանկարժեք մետաղների և ադամանդների ձուլակտորների առուվաճառք իրականացնել արտարժույթով։
«Տնտեսության ապադոլավորմանն ուղղված համալիր միջոցառումների իրականացման և ազգային արժույթի նկատմամբ վստահության բարձրացման շրջանակում Ազգային բանկը որոշել է 2015 թ.–ի հունվարի 23–ից թանկարժեք մետաղներից և ատեստավորված ադամանդներից պատրաստված ձուլակտորների առուվաճառք իրականացնել միայն բելառուսական ռուբլով», – նշվում է հաղորդագրության մեջ։
Ուրբաթ Բելառուսի ազգային բանկը ոսկու ձուլակտորի 1 գրամի գնման արժեքը սահմանել է 610 հազար 500 բելառուսական ռուբլի (41դ ոլար), իսկ վաճառքը` 789 հազար 150 ռուբլի (53 դոլար)։–0–