ԵՐԵՎԱՆ, 24 փետրվարի. /ԱՌԿԱ/. NASDAQ OMX Արմենիա ֆոնդային բորսայում փետրվարի 24–ին իրականացված գործարքների արդյունքում, նախորդ ցուցանիշի համեմատ, ԱՄՆ դոլարի միջին կշռված փոխարժեքը ավելացել է 0,02 տոկոսով և մեկ դոլարի դիմաց կազմել 479,63 դրամ։
Ֆոնդային բորսայի տվյալների համաձայն` այսօր ԱՄՆ դոլարով կատարվել է 1,9 մլն դոլարի (ավելի քան 911,3 մլն դրամ) 16 գործարք։ Ֆոնդային բորսայում փետրվարի 24–ին եվրոյով գործարքներ չեն կատարվել։
Փետրվարի 24–ին արդյունքում 1 դոլարի միջին շուկայական փոխարժեքը կազմել է 478,63 դրամ, 1 եվրոյինը` 540,95 դրամ։ -0-