ԵՐԵՎԱՆ, 10 մարտի. /ԱՌԿԱ/. Միջազգային վարկանիշային Moody’s գործակալությունն իջեցրել է Հունաստանի բանկերի` արտարժույթով և ազգային արժույթով դեպոզիտների երկարաժամկետ վարկանիշների վերին շեմը` “Ва3″-ից մինչև “Caa1″-ի։
Ինչպես հաղորդվում է գործակալության մամուլի հաղորդագրության մեջ, կարճաժամկետ դեպոզիտների վերին շեմը թողնվել է նույն մակարդակում` “Not Prime” (NP), հաղորդում է vestifinance.ru-ն։
Արտարժույթով և ազգային արժույթով բաժնետոմսերի վերին շեմը նույնպես պահպանվել է` “Ba3/NP”։
Ըստ հաղորդագրության` այդ գործողությունները պայմանավորված են նրանով, որ Հունաստանի սուվերեն վարկանիշը փետրվարի 6-ից վերանայման փուլում է գտնվում` դեպի հնարավոր իջեցում։
Ներկա պահին հունական բանկերի վարկանիշերը դեպոզիտների վարկանիշերի նոր վերին շեմից ցածր են, ասված է հաղորդագրությունում։–0–