ԵՐԵՎԱՆ, 11 մարտի. /ԱՌԿԱ/. Գերմանական Deutsche Bank–-ի կանխատեսումների համաձայն`2015 թվականի ավարտին եվրոյի փոխարժեքն ամերիկյան տարադրամի նկատմամբ կընկնի մինչև պարիտետ, իսկ 2017 թվականին վերլուծաբանները սպասում են, որ եվրոպական արժույթը կնվազի 85 ցենտով, գրում է ՌԻԶԱ Նովոստին` հղում անելով Reuters–-ին
Բանկի վերլուծաբանների կարծիքով, եվրոյի արժեզրկումը կուղեկցվի Եվրոպայից ներդրումների զանգվածային արտահոսքով։ Այսպիսի երևույթների ծնունդը մեծամասամբ պայմանավորված է մեծ քանակի պահուստներով։ Այսպես գերմանական առևտրի հաշվեկշիռի պրոֆիցիտի միջոցները հավաքվել են, իսկ հետո փոխանակվել են ավելի շահութաբերի տարադրամի։
«Եվրոպական կապիտալի ծավալների արտահոսքը պարզվեց ավելի մեծ է, քան մենք ի սկզբանե կանխատեսում էինք։ Հիմա մենք կանխատեսում ենք տարեվերջին եվրոյի փոխարժեքի անկում մինչև մեկ դոլար, 2017 թվականին կանխատեսվում է եվրոյի արժեզրկում մինչև 85 ցենտ»,– կարծում է բանկի վերլուծաբան Ջորջ Սարավելոսը։
Նախորդ կանխատեսմամբ դոլարի և եվրոյի պարիտետը կարող էր ամրագրվել 2016 թվականին` 95 ցենտով ։-0-