ԵՐԵՎԱՆ, 19 մարտի. /ԱՌԿԱ/. Եվրոպական միության սահմաններից դուրս գրանցված բանկերի ստորաբաժանումները չեն ընկնի Անգլիայի բանկի սթրես-թեստերի տակ ոչ 2015-ին, ոչ 2016-ին։ Այդ մասին, ինչպես հաղորդում է Vestifinance.ru-ն, հայտնում է Bloomberg գործակալությունը` հղում անելով տեղեկացված աղբյուրներին։
Մեծ Բրիտանիայում սթրես թեստերն իրականացնում է երկրի Պրուդենցիալ կառավարման վարչությունը (Prudential Regulation Authority, PRA), և աղբյուրի խոսքերով` կարգավորիչը գործնականում ավարտել է սցենարների և մեթոդոլոգիայի նախապատրաստումն ընթացիկ տարում բանկերը ստուգելու համար։
Սթրես թեստերի առանցքային չափորոշիչները կհրապարակվեն մարտի 30-ին, դրանց արդյունքները հայտնի կդառնան IV եռամսյակում։ -0-