ԵՐԵՎԱՆ, 2 ապրիլի. /ԱՌԿԱ/. ՀՀ Կենտրոնական բանկի որոշմամբ Արտակ Կլիմենտի Անանյանը գրանցվել է «ԱՌԷԿՍԻՄԲԱՆԿ-ԳԱԶՊՐՈՄԲԱՆԿԻ ԽՈՒՄԲ» ՓԲԸ Գլխավոր տնօրենի պաշտոնում, հայտնում է բանկի մամուլի ծառայությունը։
Արտակ Անանյանը ծնվել է 1972թ.–ի փետրվարի 13-ին: 1993թ.-ին ավարտել է Երևանի պետական համալսարանը` մեխանիկոս, մաթեմատիկոս-կիրառող մասնագիտությամբ: Ստացել է ֆիզիկամաթեմատիկական գիտությունների թեկնածուի գիտական աստիճան:
1993-1997թթ.–ին աշխատել է ՀՀ ԳԱԱ մեխանիկայի ինստիտուտում, 1998-2001թթ.–ին` Հայկական գյուղատնտեսական ակադեմիայում` որպես տնտեսագետ-ֆինանսիստ, 1998-1999թթ.–ին` ՀՀ Կենտրոնական բանկում (մասնագետ):
2000-2003թթ.-ին աշխատել է «Հայագրոբանկ» ԲԲԸ–ում` որպես բանկային ռիսկերի վերահսկման և տարածքային ստորաբաժանումների գործունեության կոորդինացման խմբի ղեկավար, բանկային ռիսկերի վերահսկման և տեղեկատվական հոսքերի անվտանգության խմբի ղեկավար, ներքին աուդիտի և վերլուծությունների վարչության պետ, վարկային դեպարտամենտի պետ-գործադիր տնօրենի տեղակալ, վարչության անդամ-գործադիր տնօրենի տեղակալի ժ/պ, վարչության անդամ-գործադիր տնօրենի տեղակալ։
2003-2010թթ.–ին աշխատել է «Արդշինինվեստբանկ» ՓԲԸ–ում` որպես տարածքային կառավարման վարչության պետ, հյուսիսային տարածաշրջանի տարածքային վարչության պետ, վարկային դեպարտամենտի տնօրենի տեղակալ, վարկային դեպարտամենտի տնօրեն, ռազմավարական հաճախորդների դեպարտամենտի տնօրեն։
2010-2015թթ.–ին աշխատել է «Արդշինինվեստբանկ»–ում` որպես ՓԲԸ–ի Կորպորատիվ հաճախորդների դեպարտամենտի տնօրեն, վարչության անդամի ժ/պ, վարչության անդամ։
2015թ.-ից «Առէկսիմբանկ-Գազպրոմբանկի խումբ» ՓԲԸ–ի գլխավոր տնօրենն է։-0-