ԵՐԵՎԱՆ, 15 ապրիլի. /ԱՌԿԱ/. Գերմանիայի կառավարության կողմից հաստատված կայունության ծրագրի տեքստի համաձայն` սպասվում է, որ 2019 թվականին Գերմանիայի պետական պարտքը կնվազի և կկազմի ՀՆԱ 61,5%` 2014 թվականի 74,7%–ի դիմաց։
Բեռլինը խոստացել է հասնել բյուջեի այն նպատակային մակարդակին, որը սահմանել է Եվրամիությունը։ Ըստ սահմանված կանոնների` տարածաշրջանի անդամ–երկրների պակասուրդը չպետք է գերազանցի ՀՆԱ–ի 3 տոկոսը, իսկ պետական պարտքը պետք է ՀՆԱ–ի 60 տոկոսից ցածր չլինի։
Ջանալով խելամիտ հարկաբյուջետային քաղաքականություն ապահովել` Գերմանիայի կառավարությունը մտադիր է կրճատել պետական պարտքը և մինչև 2016 թվականը հասցնել երկրի ՀՆԱ–ի 70 տոկոսից էլ ցածր ցուցանիշի։
Գերմանիայի տնտեսության վերականգնումը պետք է արագանա 2015 և 2016 թվականներին, ինչի համար խթան կհանդիսանա ներքին պահանջարկն ու մասնավոր սպառումը։
Wall Street Journal–ն անցած ամիս ծանոթացել էր երկրի բյուջեի նախագծին, որի համաձայն` կառավարությունը կանխատեսում է, որ Գերմանիայի ՀՆԱ աճը 2016 թվականին կկազմի 1.6 տոկոս, իսկ 2015 թվականին` 1.5 տոկոս։-0-