ԵՐԵՎԱՆ, 30 ապրիլի. /ԱՌԿԱ/. Հայաստանի համախառն պետական պարտքը 2015 թ.–ի մարտի վերջին կազմել է 4 619,9 մլն դոլար` մեկ ամսում ավելանալով 6 տոկոսով կամ 265,4 մլն դոլարով, հաղորդում է ՀՀ ԱՎԾ–ն։
ԱՎԾ տվյալների համաձայն` հանրապետության արտաքին պետական պարտքը մարտին կազմել 3 924,4 մլն դոլար` ավելանալով 7 տոկոսով կամ 257,3 մլն դոլարով։ Արտաքին պարտքի մոտ 3 493,6 մլն դոլարը բաժին է հասնում Հայաստանի կառավարության պարտքին, որն ավելացել է 7,6 տոկոսով։
Միաժամանակ հանրապետության արտաքին պետական պարտքի կառուցվածքում մոտ 430,8 մլն դոլարը բաժին է հասնում ԿԲ–ի պարտքին (2 տոկոսի աճ)։
Հայաստանի ներքին պարտքը մարտի վերջին կազմել է 695,5 մլն դոլար` ավելանալով 1,2 տոկոսով։ Միաժամանակ մոտ 607,4 մլն դոլարը բաժին է հասնում ռեզիդենտների կողմից ձեռք բերված պետական պարտատոմսերին, արտարժույթով պետական պարտատոմսերը կազմել են 82 մլն դոլար, վարկերն ու փոխառությունները` 4 մլն դոլար, ներքին երաշխիքները` 2,1 մլն դոլար։ –0–