ԵՐԵՎԱՆ, 15 մայիսի. /ԱՌԿԱ/. Բաժնետոմսային կապիտալի գլոբալ շուկայի ակտիվությունը 2015 թ.–ին հասել է ռեկորդային առավելագույն ցուցանիշին 1980 թ.–ից հետո, վկայում են Thomson Reuters–ի տվյալները, հաղորդում է Vestifinance.ru–ն։
Այս շաբաթվա տվյալներով` բաժնետիրական կապիտալի տեղաբաշխումների ծավալը ընթացիկ տարվա սկզբից կազմել է 358,9 մլրդ դոլար, այն 20 տոկոսով ավել է` նախորդ տարվա նույն ժամանակահատվածի համեմատ։
Ընդ որում, այդ ծավալի մեկ–երրորդը բաժին է հասնում ԱՄՆ–ին (32%), Եվրոպային (29%) և Ասիական–խաղաղօվկիանոսյան տարածաշրջանին (28 %)։ ԱԽՏ–ի համար սա գագաթնակետ է 15 տարվա ընթացքում, այն դեպքում, երբ եվրոպական տարածաշրջանի համար` 3 տոկոսանոց նվազում 2014 թ.–ին։
Այս տարի տեղաբաշխող բանկերի շրջանում դրոշակակիր տեղերում է Goldman Sachs GS.N–ը, առաջատարի դիրքում են նաև JP Morgan–ը և Bank of America Merrill Lynch–ը։
Վերջին շաբաթվա ընթացքում խոշորագույն են դարձել լրացուցիչ տեղաբաշխումները` Hilton Worldwide Holdings Inc HLT.N` 2,7 մլրդ դոլարով, China Resources Land Ltd 000999.SZ` 1,22 մլրդ դոլարով և Fosun International Ltd 0656.HK` 1,199 մլրդ դոլարով։
Ռուսական էմիտենտները գրեթե չեն հայտնվում բաժնետիրական կապիտալի շուկաներում 2014 թ.–ի գարնանը Ուկրաինայի հետ հարաբերություններում գրանցված լարվածությունից հետո։ –0–