ԵՐԵՎԱՆ, 9 հունիսի. /ԱՌԿԱ/. Վարկատուները նոր առաջարկներ են ստացել Հունաստանից պարտքային խնդրի կարգավորման վերաբերյալ երեքշաբթի առավոտյան, դրանք ուշադիր ուսումնասիրվում են, հայտնեց ԵՀ պաշտոնական ներկայացուցիչ Մարգարիտիս Սխինասը, գրում է «ՌԻԱ Նովոստին»։
«Տնտեսական և ֆինանսական հարցերով եվրահանձնակատար Պիեռ Մոսկովիչին հանդիպել է հունական կառավարական պատվիրակության հետ երեկ օրվա երկրորդ կեսին։ Տարբեր առաջարկներ են շրջանառվում, այդ թվում նոր առաջարկներ, որոնք ստացվել են այսօր առավոտյան։ Երեք ինստիտուտներ ուշադիր և մանրամասն ուսումնասիրում են այդ առաջարկները», – ասել է Սխինասը լրագրողներին։
Նա մանրամասներ չհայտնեց։ -0-