ԵՐԵՎԱՆ, 24 հունիսի. /ԱՌԿԱ/. NASDAQ OMX Արմենիա ֆոնդային բորսայում ԱՄՆ դոլարի միջին կշռված փոխարժեքը հունիսի 24–ին, հունիսի 23–ի ցուցանիշի համեմատ, նվազել է 0,06 տոկոսով և մեկ դոլարի դիմաց կազմել է 472,5 դրամ։
Ֆոնդային բորսայի ներկայացրած տվյալների համաձայն` այսօր ԱՄՆ դոլարով կատարվել է 3.5 մլն դոլարի (շուրջ 1,58 մլրդ դրամ) 28 գործարք։ Միաժամանակ հունիսի 23–ին NASDAQ OMX Արմենիայում եվրոյով գործարք չի իրականացվել։
Հունիսի 24-ի միջին շուկայական փոխարժեքներն են` 1 դոլարը` 472,56 դրամ, 1 եվրոն` 529,69 դրամ։-0-