ԵՐԵՎԱՆ, 11 հուլիսի./ԱՌԿԱ/. Հուլիսի 13-ին Հայաստանի առևտրային բանկերն աշխատելու են բնականոն ռեժիմով 2015 թ. հուլիսի 13-ի աշխատանքային երկուշաբթի օրը 2015 թ. հուլիսի 18-ը` շաբաթ օր, տեղափոխելու ՀՀ կառավարության որոշման կապակցությամբ, նշվում է «ԱՌԿԱ» գործակալություն ստացված ՀՀ ԿԲ–ի հայտարարության մեջ։
«ՀՀ կենտրոնական բանկը հայտնում է, որ հուլիսի 13-ին ՀՀ առևտրային բանկերն աշխատելու են բնականոն ռեժիմով՝ սպասարկելով քաղաքացիներին և մատուցելով համապատասխան ծառայություններ», – նշվում է ՀՀ ԿԲ մամուլի ծառայության տարածած հայտարարության մեջ։
Հայաստանի կառավարությունը շաբաթ օրը կայացած արտահերթ նիստի ժամանակ որոշում է ընդունել հուլիսի 13–ի աշխատանքային օրը տեղափոխել հուլիսի 18–ին։ Երկուշաբթին հայտարարվել է ոչ աշխատանքային օրը Մեռելոցի կապակցությամբ, որը հետևում է Քրիստոսի Պայծառակերպության տոնին։
Նիստի ընթացքում որոշվել էր առաջարկել Կենտրոնական բանկին քայլեր ձեռնարկել այն ուղղությամբ, որպեսզի բանկերը հուլիսի 13–ին ծառայություններ մատուցեն քաղաքացիներին։–0–