ԵՐԵՎԱՆ, 9 սեպտեմբերի. /ԱՌԿԱ/. Հայաստանի բանկերի ընդհանուր լիկվիդայնության ցուցանիշը (բարձր լիկվիդայնության ակտիվներ/ընդհանուր ակտիվներ) 2015 թվականի հուլիսին կազմել է 26 տոկոս` մեկ ամսվա ընթացքում ավելանալով 0.7 տ.կ.–ով։ Այսպիսի տվյալներ են բերվում Հայաստանի Կենտրոնական բանկի կայքում։
Հարկ է նշել, որ բանկային համակարգի լիկվիդայնությունը դրամի լուրջ արժեզրկման և դրա հետևանքների պատճառով 2014 թվականի նոյեմբերից հիմնականում նվազում էր գրանցում։
Կենտրոնական բանկի տվյալներով` ընթացիկ լիկվիդայնության ցուցանիշը (բարձր լիկվիդային ակտիվներ/ցպահանջ պարտավորություններ) հաշվետու ժամանակահատվածում աճել է 2.5 տոկոսով` մինչև 140.7 տոկոս։
Այսօրվա դրությամբ, հայկական բանկերն էապես գերազանցում են Հայաստանի ԿԲ–ի ինչպես ընդհանուր լիկվիդայնության նորմատիվ նվազագույնը` 15 տոկոսով, այնպես էլ ընթացիկինը` 60 տոկոսով։ –0–