ԵՐԵՎԱՆ, 20 սեպտեմբերի. /ԱՌԿԱ/. Հայաստանի առևտրային բանկերի կասկածելի վարկային ներդրումներն առաջին կիսամյակում կազմել են 15,1 մլրդ դրամ` նախորդ տարվա նույն ժամանակահատվածի համեմատ ավելանալով 38 տոկոսով, տեղեկացվում է Հայաստանի ԿԲ–ի 2013 թ.–ի երկրորդ եռամսյակի բանբերում։
Միաժամանակ Հայաստանի բանկերի ստանդարտ վարկային ներդրումները հաշվետու ժամանակահատվածում կազմել են 1618.3 մլրդ դրամ կամ հայկական բանկերի բոլոր վարկային ներդրումների 94 տոկոսը (նախորդ տարվա առաջին կիսամյակի համեմատ գրանցվել է 9,3 տոկոսի աճ)։ Վերահսկվող վարկային ներդրումները կազմել են 63,2 մլրդ դրամ (97,6 տոկոսի աճ), ոչ ստանդարտները` 22,6 մլրդ դրամ (1,9 տոկոսի անկում)։
2013 թ.–ի հունիսի 30–ի դրությամբ Հայաստանի առևտրային բանկերի վարկային ներդրումները կազմել են 1 719,5 մլրդ դրամ` նախորդ տարվա նույն ժամանակահատվածի համեմատ ավելանալով 11,2 տոկոսով ($1 – 407,49 դրամ)։ -0-