ԵՐԵՎԱՆ, 13 հուլիսի. /ԱՌԿԱ/. ՀՀ կենտրոնական բանկը հուլիսի 12–ին 6 մլրդ դրամի միջնաժամկետ գանձապետական պարտատոմսեր է տեղաբաշխել:
Ինչպես «ԱՌԿԱ» գործակալությանը հաղորդեցին ԿԲ–ի մամուլի ծառայությունից, տեղաբաշխվել են AMGN60294216 սերիայի պարտատոմսեր` մինչև 2021 թ.–ի ապրիլի 29–ը մարման ժամկետով։
Ներկայացված հայտերի ընդհանուր ծավալը կազմել է 35 259 600 000 դրամ, որոնցից 30,6 մլրդ դրամը`մրցակցային։
Աճուրդին մասնակցել է 7 գործակալ։ Միջին կշռված եկամտաբերությունը կազմել է 12.8403 տոկոս` 12.8500% սահմանային եկամտաբերությամբ։ Տեղաբաշխումից հետո ստացված շահույթը կազմել է 5 522 364 250 դրամ ($1 – 476,35 դրամ)։ -0-