ԵՐԵՎԱՆ, 22 հուլիսի. /ԱՌԿԱ/. ՀՀ կենտրոնական բանկը հուլիսի 22–ին տեղաբաշխել է 3 մլրդ դրամի կարճաժամկետ գանձապետական պարտատոմսեր։
Ինչպես ԿԲ մամուլի ծառայությունից տեղեկացրեցին «ԱՌԿԱ» գործակալությանը, տեղաբաշխվել են AMGT09239169 սերիայի պարտատոմսեր` 9 շաբաթ մարման ժամկետով։
Ներկայացված հայտերի ընդհանուր ծավալը կազմել է 9 մլրդ 7 մլն դրամ, որից 8 մլրդ 475 մլն դրամը` մրցակցային։
Աճուրդին մասնակցել է 7 գործակալ։ Միջին կշռված եկամտաբերությունը կազմել է 7.7725%` 7.9327% սահմանային եկամտաբերությամբ։ Տեղաբաշխումից հետո ստացված շահույթը կազմել է 2 959 741 867 դրամ ($1 – 476,15 դրամ)։ -0-