ԵՐԵՎԱՆ, 15 օգոստոսի. /ԱՌԿԱ/. ՀՀ կենտրոնական բանկն օգոստոսի 12–ին 4 մլրդ դրամի ծավալով կարճաժամկետ պետական պարտատոմսեր է տեղաբաշխել:
Ինչպես «ԱՌԿԱ» գործակալությանը տեղեկացրին ԿԲ մամուլի ծառայությունից, տեղաբաշխվել են AMGT0914A165 սերիայի պարտատոմսեր` 9 շաբաթ մարման ժամկետով:
Ներկայացված հայտերի ընդհանուր ծավալը կազմել է 5 մլրդ 700 մլն դրամ, որից 5 մլրդ դրամը` մրցակցային։
Աճուրդին մասնակցել է 2 գործակալ։ Միջին կշռված եկամտաբերությունը կազմել է 7.6499 տոկոս` 7.7490 տոկոս սահմանային եկամտաբերությամբ։ Տեղաբաշխումից ստացված հասույթը կազմել է 3 947 158 070 դրամ ($1 – 476,20 դրամ): –0–