ԵՐԵՎԱՆ, 17 օգոստոսի. /ԱՌԿԱ/. ՀՀ կենտրոնական բանկն օգոստոսի 15–ին 1 253 000 000 դրամի ծավալով կարճաժամկետ պետական պարտատոմսեր է տեղաբաշխել:
Ինչպես «ԱՌԿԱ» գործակալությանը տեղեկացրին ԿԲ մամուլի ծառայությունից, տեղաբաշխվել են AMGT26132176 սերիայի պարտատոմսեր` 26 շաբաթ մարման ժամկետով:
Ներկայացված հայտերի ընդհանուր ծավալը կազմել է 1 253 000 000 դրամ, բոլորը` մրցակցային։
Աճուրդին մասնակցել է 4 գործակալ։ Միջին կշռված եկամտաբերությունը կազմել է 7.9323 տոկոս` 8.1000 տոկոս սահմանային եկամտաբերությամբ։ Տեղաբաշխումից ստացված հասույթը կազմել է 1 204 689 461 դրամ ($1 – 475,69 դրամ): –0–