ԵՐԵՎԱՆ, 29 նոյեմբերի. /ԱՌԿԱ/. Հայաստանում փողի բազան 2013 թվականի հոկտեմբերի արդյունքներով, սեպտեմբերի համեմատ, նվազել է 0,5%–ով և կազմել է շուրջ 719,1 մլրդ դրամ։ Ինչպես «ԱՌԿԱ» գործակալությանը հայտնեցին ՀՀ ԱՎԾ–ից` ՀՀ ԿԲ նախնական տվյալների հիման վրա, ԿԲ–ից դուրս կանխիկ գումարը հոկտեմբերի վերջին կազմել է ավելի քան 408,6 մլրդ դրամ` սեպտեմբերի ավելի քան 408 մլրդ դրամի դիմաց։
Դրամային պարտադիր պահուստների մեծությունը կազմել է ավելի քան 178,5 մլրդ դրամ (անկումը` 1,9%), իսկ արտարժույթով պարտադիր պահուստների մեծությունը` ավելի քան 129 մլրդ դրամ (աճը`0,5% )։
Զուտ միջազգային պահուստները (առանց սեփականաշնորհման միջոցների) 2013թ.–ի հոկտեմբերի վերջին կազմել են շուրջ 493,1 մլրդ դրամ՝ սեպտեմբերի համեմատ ավելանալով 27,4 տոկոսով։
Հաշվետու ժամանակահատվածում զուտ ներքին ակտիվների մեծությունը կազմել է ավելի քան 225,9 մլրդ դրամ` սեպտեմբերի վերջի շուրջ 43,7 մլրդ դրամի դիմաց ($1 –ը` 403,92 դրամ)։ -0–