ԵՐԵՎԱՆ, 11 օգոստոսի. /ԱՌԿԱ/. Համահայկական Բանկը տրանսֆորմացվում է բանկից ներդրումային ֆոնդի: ԿԲ հասարակայնության հետ կապերի ծառայության մամուլի հաղորդագրության համաձայն, ԿԲ-ն տրանֆորմացիայի գործընթացը ձեռնարկել է Համահայկական բանկի առջև դրված խնդիրների արդյունավետությունն ու ճկունությունն ապահովելու նպատակով:
ԿԲ տեղեկացմամբ, տրանսֆորմացիոն գործընթացները հանգել են իրավական և տրամաբանական ավարտին:
Այժմ արդեն գործում է Համահայկական ներդրումային ֆոնդը, որն ունի իր մասնագիտացված ֆոնդի կառավարիչը, որի և բաժնետիրոջ իրավասություններն իրականացնելու է ՀՀ կառավարության լիազորված մարմինը:
Ներկայումս ՀՀ կառավարությունն ու ՀՀ կենտրոնական բանկը քննարկում են իրավական և տեխնիկական գործընթացների մանրամասները` տրանսֆորմացված Համահայկական ֆոնդն ու նրա կառավարիչը ՀՀ կառավարության պատասխանատու մարմնի տնօրինությանը փոխանցելու ուղղությամբ:-0-
Տրանսֆորմացիոն գործընթացները հանգել են իրավական և տրամաբանական ավարտին: