ԵՐԵՎԱՆ, 3 դեկտեմբերի. /ԱՌԿԱ/. Հայաստանում ապահովագրավճարների գումարը 2013թ.-ի երրորդ եռամսյակում նվազել է 49,8 տոկոսով՝ կազմելով շուրջ 5,6 մլրդ դրամ, «ԱՌԿԱ» գործակալությանը հայտնեցին Հայաստանի ազգային վիճակագրական ծառայությունից:
Միաժամանակ ապահովագրավճարների գումարն ավելացել է 3.7 տոկոսով` նախորդ տարվա նույն ժամանակահատվածի համեմատ։
ԱՎԾ տվյալների համաձայն` անձնական ապահովագրության գծով վճարումների ծավալը կազմել է 1,4 մլրդ դրամ, ԱՊՊԱ–ի գծով` 2.5 մլրդ դրամ, գույքային ապահովագրման գծով՝ շուրջ 1,17 մլրդ դրամ, պատասխանատվության ապահովագրության գծով՝ 141,1 մլն դրամ, ապահովագրության այլ տեսակների համար վճարումների ծավալը կազմել է 398,5 մլն դրամ:
Ապահովագրական հատուցումների ծավալը կազմել է 4.9 մլրդ դրամ` նախորդ եռամսյակի համեմատ նվազելով 4,2 տոկոսով։
Ապահովագրական հատուցումների ծավալը ԱՊՊԱ–ի գծով կազմել է 2,4 մլրդ դրամ, անձնական ապահովագրման գծով` 2 մլրդ դրամ, գույքի ապահովագրման գծով` 456,1 մլրդ դրամ, պատասխանատվության ապահովագրման գծով` 30,9 մլրդ դրամ, այլ ապահովագրությունների հատուցման ծավալը կազմել է 31 մլրդ դրամ։
Գործող պայմանագրերով ապահովագրական գումարները կազմել են 8,6 մլրդ դրամ (աճը` 4,9 տոկոս)։
Գործող պայմանագրերի թիվը երրորդ եռամսյակում կազմել է 595 433։
2013թ.-ի սեպտեմբերի 30-ի դրությամբ Հայաստանում գործում է յոթ ապահովագրական ընկերություն (1$-ը` 403,91 դրամ): -0-