ԵՐԵՎԱՆ, 4 փետրվարի. /ԱՌԿԱ/. Վրաստանում մալուխի վնասումը հանգեցրել է ինտերնետի խափանումների Հայաստանում` հայկական հեռահաղորդակցային Ucom ընկերության բաժանորդները երկուշաբթի առավոտյան բախվել են կապի խնդիրների հետ։
Ինչպես
«Նովոստի–Արմենիա» գործակալությանը ընկերության մամուլի քարտուղար Դիանա Մնացականյանը,
Հայաստանում ինտերնետը պարբերաբար անջատվում է Վրաստանի տարածքում գտնվող միջազգային
մալուխի վնասման պատճառով։
«Նախնական տվկալներով, Վրաստանի տարածքում գտնվող մալուխը
կտրել են, պատճառներն այս պահին պարզվում են։ Մեր մասնագետներն արդեն տեղում են և կփորձեն
սեղմ ժամկետներում վերականգնել կապը»,– ասաց Մնացականյանը։
Հայաստանն ինտերնետ միջազգային ցանցի հասանելիություն է ստանում Վրաստանի տարածքով անցնող օպտիկամանրաթելային մալուխի միջոցով։
Վերջին ժամանակներում լուրեր են հայտնվել «Caucasus Online» վրացական ինտերնետ պրովայդերի օպտիկամանրաթելային մալուխի վաճառքի մասին։ Լուրերի համաձայն, գնորդ կարող է դառնալ ադրբեջանական ընկերություն։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ:–0–