ԵՐԵՎԱՆ, 18 դեկտեմբերի. /ԱՌԿԱ/. Նախօրեին Փարիզում 10 մլն եվրոյի վարկավորման համաձայնագիր ստորագրվեց` Զարգացման Ֆրանսիական գործակալության և «Ազգային հիփոթեկային ընկերություն» ՓԲԸ վարկային վերաֆինանսավորում իրականացնող ընկերության միջև, հաղորդում է Հայաստանի ԱԳՆ մամուլի ծառայությունը։
Համաձայնագիրը նախատեսում է սոցիալապես անապահով խավերի բնակարանային պայմանների բարելավմանն ուղղված միկրովարկերի տրամադրում, այդ թվում` բնակարանային վերանորոգման միկրովարկեր էներգաարդյունավետության բարձրացման բաղադրիչով։
Ստորագրման արարողությանը ներկա էին Ֆրանսիայում Հայաստանի դեսպանության և Ֆրանսիայի արտաքին գործերի նախարարության ներկայացուցիչները։
«Ազգային Հիփոթեքային Ընկերություն» ՓԲԸ-ն վերաֆինանսավորող վարկային կազմակերպություն է, որը գրանցվել է և արտոնագրվել է ՀՀ ԿԲ–ի կողմից 2011 թ.–ի հոկտեմբերի 19–ին 1/1167А որոշմամբ։ Ընկերության միակ բաժնետերն ու հիմնադիրը ՀՀ կենտրոնական բանկն է։ – 0