ԵՐԵՎԱՆ, 19 հունիսի. /ԱՌԿԱ/. Հայաստանի կենտրոնական բանկի նախագահ Արթուր Ջավադյանը հայտնել է հանրապետության ոսկու պաշարները մասամբ վերականգնելու մտադրության մասին:
Հանդես գալով չորեքշաբթի խորհրդարանում` Ջավադյանը հիշեցրեց, որ 1,6 տոննա ծավալով Հայաստանի ոսկու ոչ մեծ պաշարները լիովին
վաճարվել են 2004 թ.-ին:
«Այն ժամանակ գները բարձր էին,
խնդիրներ կաին բյուջեի մուտքերի հետ կապված,
իսկ ոսկուց տոկոսներ գրեթե չեն եղել: Այդ իսկ
պատճառով որոշվել էր վաճառել ոսկու պաշարները, ինչի արդյունքում ներդրվել են ավելի բարձրորակ գործիքներ, և մենք ստացանք բավականաչափ եկամուտ», - ասաց
ԿԲ-ի նախագահը:
Ըստ նրա, այսօրվա դրությամբ կան ավելի
հուսալի և շահութաբեր գործիքներ, քան ոսկին.
այդ մետաղի գները շատ
մեծ
փոփոխությունների են ենթարկվում աշխարհում:
Ջավադյանը պատմեց նաև,
որ Հայաստանում հեղինակավոր «Թեքնոսերտ» շվեյցարական ընկերության հետ համագործակցությամբ նախատեսվում է բացել ոսկու
վերամշակման գործարան:
«Գործարանում կարտադրվեն բանկային ոսկի և ձուլակտորներ, ինչը թույլ կտա բանկային ձուլակտորներ ձեռք բերել տեղական շուկայում արդեն հայկական դրամով, այլ ոչ թե արժույթով», - ասաց Ջավադյանը:-0-