ԵՐԵՎԱՆ, 31 հունվարի. /ԱՌԿԱ/. Հայաստանում համախառն պետական պարտքը 2013 թ.–ի դեկտեմբերի վերջի դրությամբ կազմել է 4 588,4 մլն դոլար` ամսվա ընթացքում կրճատվելով 0,8 տոկոսով կամ 35,6 մլն դոլարով, հաղորդում է ՀՀ ԱՎԾ–ն։
Միաժամանակ երկրի համախառն պետպարտքը, տարեսկզբի համեմատ, աճել է 4,9 տոկոսով։
ԱՎԾ–ի տվյալների համաձայն` հանրապետության արտաքին պետական պարտքը հաշվետու ամսում աճել է 0,9 տոկոսով կամ 34,5 մլն դոլարով` դեկտեմբերի վերջին կազմելով 3 903,7 մլն դոլար։
Միաժամանակ հանրապետության արտաքին պետական պարտքի կառուցվածքում մոտ 508,3 մլն դոլարը բաժին է ընկնում է ՀՀ ԿԲ–ի պարտքին։ Այս ցուցանիշը նվազել է ամսվա ընթացքում 7 տոկոսով։
Ներքին պարտքը դեկտեմբերի վերջին կազմել է 684.7 մլն դոլար` նոյեմբերի համեմատ աճելով 1 մլն դոլարով։ Միաժամանակ մոտ 673 մլն դոլարը բաժին է ընկնում ռեզիդենտների կողմից ձեռք բերված պարտատոմսերին, 8 մլն դոլարը` ռեզիդենտների առևտրային վարկերին և 2,44 մլն դոլարը` ներքին երաշխիքներին։ -0-