ԵՐԵՎԱՆ, 4 փետրվարի. /ԱՌԿԱ/. Ամերիկյան բանկերն առևտրային վարկավորման պահանջարկի աճի կապակցությամբ վերջին երեք ամիսներին պարզեցրել են առևտրային ձեռնարկություններին վարկեր տրամադրելու պահանջները, հաղորդում է РБК–ն` հղում անելով Reuters–ին։
ԱՄՆ Դաշնային պահուստային համակարգի տվյալներով` բանկերի մեծամասնությունը նաև դյուրացրել է սպառողական վարկերի տրամադրման պահանջները սպառողական վարկավորման պահանջարկի աճի ֆոնին։
ԴՊՀ–ն միաժամանակ փաստում է նաև մի շարք խոշոր բանկերի չափանիշների դյուրացումը հիփոթեքային վարկերի տրամադրման համար։ Սակայն որոշ պակաս խոշոր բանկեր, հակառակը, խստացրել են հիփոթեքային վարկերի տրամադրման պահանջները։ ԴՊՀ տվյալներով` բանկերի մի մասը հաղորդել է հիփոթեքային վարկերի տրամադրման պահանջարկի կրճատման մասին։
ԴՊՀ համապատասխան տվյալները տրամադրվել են 75 ամերիկյան բանկերի, ինչպես նաև ԱՄՆ–ի արտասահմանյան բանկերի 21 բաժանմունքների։ -0-