ԵՐԵՎԱՆ, 7 փետրվարի. /ԱՌԿԱ/. Մաքսային միությանն անդամակցելը շատ կարևոր է Հայաստանի համար, ուրբաթ ասել է ՀՀ ֆինանսների նախարար Դավիթ Սարգսյանը Ծաղկաձորում մեկնարկած «Հայաստանի կապիտալի շուկա. նոր հնարավորություններ և մարտահրավերներ» համաժողովի բացման ժամանակ։
«Մաքսային միությանն անդամակցելը մեզ համար շատ կարևոր կլինի, քանի որ մեր տնտեսվարող սուբյեկտներն իրավունք կստանան ազատ դուրս գալ ավելի քան 180 միլիոնանոց շուկա», – ասել է Սարգսյանը։
Ինչպես նշել է նախարարը, Հայաստանը կշարունակի աշխատանքները ԵՄ–ի հետ վերջին 4–5 տարում նախատեսված բարեփոխումների իրականացման համար։
Սեպտեմբերի 3-ին Հայաստանի և Ռուսաստանի նախագահներ Սերժ Սարգսյանի և Վլադիմիր Պուտինի բանակցություններից հետո հայտարարվել է, որ Հայաստանը միանալու է Մաքսային միությանը և հետագայում ներգրավվելու է Եվրասիական տնտեսական միության ձևավորման գործընթացում։ ՄՄ Հայաստանի մուտքի ճանապարհային քարտեզը հաստատվել է դեկտեմբերի 24–ին Մոսկվայում կայացած Եվրասիական ինտեգրացիոն միության նիստի ժամանակ։ –0–